من إربد إلى عبدون !!

في اربد يقولونها هكذا :
الأب : منو اللي ع الشجرة ؟
الابن : هاظا اني يابا اسماعيل مالك بطلت تعرفني .
الأب : يا أم احمد دوك ابنش اسماعيل ع الشجرة اساعيات بوقع وبتنكسر
ايده..
الأم : يا زلمه مالك , مال غضبك خلي الولد يلعب ( الميم في كلمة مالك
مفخمه ).

في الكرك يقولونها هكذا :
الأب : منو اللي فوق الشجرة.
الابن : علامك يابا انت انعميت , هذا أنا " ضيف الله ".
الأب : والله لألعن صباح ابوك, طيح عن الشجرة يا ملعون الوالدين لا تقع
وبعدين انقوم نقل فيك ع الدكاتره.
الابن : ما ودي أطيح .
الأب : والله ود اللي يسطح بطنك ان شاء الله.
يا أم محمد روحي طيحي ابنك لامزع رقبتك ورقبته.

في الخليل يقولونها هكذا :
الأب : محمــــــــد ولـك انــــــزل عن الشجره .
الابن : شو حكيـــــــت.
الأب : بؤلك انزل هلأ بضربك بالساطوووور.
الابن : روح اضرب حاآآآلك.
الاب : يووووه ….. ام محمد تعالي شوفي ابنك ضناك …. مش رادي
ينزل.
الأم : ابو محمد الله يؤصف عمرك وعمر ابنك , انا بدي اشتغل فيك هالئيتا.

في عمان الغربية " عبدون " يقولونها هكذا :
الام : ماما سمير انزل عن الشجرة هلأ بتوئع وبتنكسر ايدك وبصير عندك واوا
الابن : ماما , معليش خليني please يا ماما.
الأم : والله يا ماما انا خايفه عليك… يالله يا حبيبي مشان الماما انزل بس
هالمره … حبيبي سوسو … دلوعة الماما.
الابن : ( يبدو غاضبا )
طيب ماما هيني نازل بس وحياتك اليوم مش رايح اشرب الحليب ولا
راح آكل my lunch .