اسألة باااااااااااايخة مالهاش اي لازمة بتتعرض لها يوميا

إنت في أوضتك .... على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام‎ ))

***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

‎(( لا لسه‎ ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع‎ ))

**********

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني‎ ))

***********
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟

(( لا.. بتفرّج عليه‎ ))

***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء‎ ))

***********

ربنا هاديك كده ... ماسك مسبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها‎ ))

***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟‎

(( لاء.. طالبها اخنق على نفسي‎ ))

***********
أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله‎ ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟‎
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

‎(( سبتيله ايه يقوله يارخمة ؟‎ ))

***********
والأسخف بقى ..... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ‎ ))



يارب تكون عجبتكم


ما تنوسو الردووووووووووووووود

مشششششششكووووووووووووووووووووووور رااااااااااااااااااااااافي على الرد فضلـ ـ ـ ـ ـ ـلـ ـ ـ ـ ـ ـ ـت علييييييييييييييييا



والله بتستاهل بووووسة

مشكور ميرسي كتير

هههههههه يسعدلي اياهم ما احلاهم همي واسالتهم اللي كلها خفة دم وبتدل على الزكاء ما شالله خخخخخخخخ
مشكور

هههههه مرسي ع مروركم

شكرا أخي ع الموضوع
و الله بدمع من الضحك
يعني هو متى رح يسألونا أسئلة تستاهل جواب
أنا عضوة جديدة إتمنى أفيدكم

hhh jd kteer as2elethoom bay5a
thnx 3 elmawdo3 elraw3a